لسة مش عادلة المُعادلة
لسة قالبة كُلـ عَدلة !
لسة مصابتش اللي خابت!
واللي ف إدينا يدوب.. حُرية جاهْلة!
اللي واطي وعَلّىَ قَصْرْ..
ع اللي عَالي وواطي قَهْر!!
علِي واطي، وْوَطِي عالي؛
وجوه عُرسِك.. إعلني حدادِكـ يا مصر!
شيلي ريحةْ الطيبين
مـِ التياب المنشورين
عـَ حبالـْ حُبِك الدايبة
ودسي الخُبث فـِ جيوبهُم.. مدام رافضين!
ساوي بين ثاير، وجاير!
واللي شاريكي بخساير،
واللي باعِك جوه منِك
اللي بإديه الجباير والكباير!
واللي ناهي، واللي بادي
والمِسالِم والمِعادِي
واللي ماسِك وانتي سايبة!
واللي دايس بابتِزازِك ع المبادِي!
عارفة ليه بنموت فداكيْ؟!
خطوة مِنَّا نعيشْ معاكيْ !!
اه يمكن إخترنا الوجع
بس مخترناش نكون فيكي.. بِلَاكيْ!
وِسْط هَتفِتْنا فـْ ميدانِك،
فجأة صوتْ جُوانا دانِك
ليه سِمعتي الصَمْت فينا؛
وانتي مش عارفة اللي زانِك مـِ اللي شانِك؟
مهيش شاطحة أمانينا
مهوش إِعجاز تِكَفينا!
ومُش نيِّتنا تعجيزِك !!
دي قشة بْحُب من خيرِك.. تِدَفينا !
يعني مش صعبة المُعادلة
حسبة بَعد العدلـْ سهلة
تقدري بحِكمَة تساويها
بس.. لو شايِلـ ميزانِك كفة عادلة!
بس.. لو شايِلـ ميزانِك كفة عادلة!
◘◘◘
لسة قالبة كُلـ عَدلة !
لسة مصابتش اللي خابت!
واللي ف إدينا يدوب.. حُرية جاهْلة!
اللي واطي وعَلّىَ قَصْرْ..
ع اللي عَالي وواطي قَهْر!!
علِي واطي، وْوَطِي عالي؛
وجوه عُرسِك.. إعلني حدادِكـ يا مصر!
شيلي ريحةْ الطيبين
مـِ التياب المنشورين
عـَ حبالـْ حُبِك الدايبة
ودسي الخُبث فـِ جيوبهُم.. مدام رافضين!
ساوي بين ثاير، وجاير!
واللي شاريكي بخساير،
واللي باعِك جوه منِك
اللي بإديه الجباير والكباير!
واللي ناهي، واللي بادي
والمِسالِم والمِعادِي
واللي ماسِك وانتي سايبة!
واللي دايس بابتِزازِك ع المبادِي!
عارفة ليه بنموت فداكيْ؟!
خطوة مِنَّا نعيشْ معاكيْ !!
اه يمكن إخترنا الوجع
بس مخترناش نكون فيكي.. بِلَاكيْ!
وِسْط هَتفِتْنا فـْ ميدانِك،
فجأة صوتْ جُوانا دانِك
ليه سِمعتي الصَمْت فينا؛
وانتي مش عارفة اللي زانِك مـِ اللي شانِك؟
مهيش شاطحة أمانينا
مهوش إِعجاز تِكَفينا!
ومُش نيِّتنا تعجيزِك !!
دي قشة بْحُب من خيرِك.. تِدَفينا !
يعني مش صعبة المُعادلة
حسبة بَعد العدلـْ سهلة
تقدري بحِكمَة تساويها
بس.. لو شايِلـ ميزانِك كفة عادلة!
بس.. لو شايِلـ ميزانِك كفة عادلة!
◘◘◘
ليست هناك تعليقات:
إرسال تعليق