2011-12-28

مَنيش بَطَلـ !!



عايش بطَلـ ومنيش بطَلـ!
عايش برَقَع توْب ولائي لتُربتِكـ
عايش مبكيني إنتظاري لضِحكتِكـ
ومن الوجع بخلَقـْ أمَلـ!
حتى الدموع بضحكها ليكي!
وأفضَلـ أجاري الفَرْح فـ عنيكي
لجل اما يثبت فـِ المُقَلـْ!
وافرَح انا على فرحِتِكـ
انسى خداعها واصدقِكـ
يا هم عُمرُه ما ينحَمَلـ..
مين اللي يُجبُر كسرِتِكـ؛
وأنا ضهري مـِ الحِمْلـ إنكسر؟!
قولي يا غالية.. إيه العَمَلـ؟!
مين بعد مِني يخلَصِكـ،
وأنا اللي قلبي فـْ محنتِكـ؛
فاقدِكـ، ومين عنِكـ بَدَلـ؟!
قلبي اللي قهراه قهرِتِكـ
وفـْ يومـ ما قرر ينصِفِكـ..
مِنكـ وجواكي إنسحلـ !!
وانا.. انا لِسة شايِفـ حلمي بيكي..
فاتِت سنييييين وانا برتِجيكي..
ولسة معرِفتِش مللـ!
كُنت اما بعطَش ضمِتِكـ..
بشرَبْ مرارِةْ قسوِتِكـ؛
فاحِس مني عن عيونِكـ بالخجَلـ!!
واعتِذِرْ عنِكـ لِروحي..
وابتِسِم ليكي بجُروحي..
لجل اما تِشْفى وتِندَمَلـ!
بعيش كِدة.. بداويني مِنِكـ
واصبُر على ظلمي فـْ حضنِكـ..
عاااجِز.. لكِن شااايلـ جبَلـ!
ثاير ومُش قابِلـ سُكوت..
وعشان بحِبِكـ.. بعيش بمووووت..
وبعيش بطلـ..
ومنيش بطلـ!!

2011-12-21

الحزن حرية!




الحزن حرية!
فايدتها منسية..
نقمة فـ عيون الناس؛
وأذية مش هيّ!
لكني شايفــاها..
محلاها دي الحالة !
حكمة تحرر قلوب..
من فرحة زوالة !
الحزن ده.. هدية..
الحزن .. حرية..

منعاني ليه أحزن؛
وبلاشه مش أحسن؟!
ده الحزن ده نعمة
نور فجأة فـ الضلمة..
بيشَوّفِكـ قيمة..
ضحكاية من قلبكـ !
ده جْدُور هَنَا وأفراح..
ده قرب من ربكـ،
مش أزمة نفسية!
ده الحزن.. حرية..

الحزن تأديبة !
غنوة فـ تغريبة..
آهة بتعزفـ فرح !
الحزن صوت الجرح..
والجرح لما يئِن؛
متكتميش صوته !
الحزن كائن حي؛
مفرحش انا بموته !
فمقتلوش فيّا !!
الحزن .. حرية..

الحزن بيعَلِم
قاصِدنا نتعَلِم
إن الحياة دي صبر!
وإن السعادة فـ فِكْر؛
خالي من الأوهام..
الحزن لُهْ عِبرة،
وشعورُه أكبر درْس..
الحزن ده فِكرة..
الحزن.. نظرية!
الحزن .. حرية..

الحزن روح بدني!
حق تلاقيهْ فـ وطني؛
مكفول قوي ومشروع!
جايز ومش ممنوع!
حقي الوحيييد جواه؛
فمتسلِبيش حقي!
بَحتاج انا أحسُهْ؛
مِن غير ما تتدايقي..
يا أغلى ما ليا..
الحزن.. حرية..

حزنى اللي مش عاجبِكـْ
بُكرة هنَاهْ يقابلِكـ..
لا اليوم ولا امبارح!
أفرح ولا (أتفارح)؛
عشان أقدر أرضيكى؟!
مهو حَبْكة للضِّحْكة..
مِن غيره فيّا بَكون؛
ضاحكة ومش ضاحكة!
ودي حاجة مؤذية!
أنا حزني.. حرية..

انا حزني تكويني..
ساير فـ شراييني..
متعَطَليش سيرُه!
مقدرش مِن غيره..
أحفَظ حياةْ قلبي!
انا حزني ميخوِّفشْ..
خافي عليّا لو..
يُهجُرني وميظهَرْش؛
ويغيب كدة شوية!
انا حزني.. حرية..
والله .. حرية..


(أولـ نشر في مجلة تاكسينا في عدد الاثنين 19/12/2011)

2011-12-02

معطفي ..



يُغَلِفُني الصمت فأعبِئُه، وأرتديه مِعطَفي صَيفاً وشِتَاءاً..
فإِذَا ما هَرَعتُ إلى فِرَاشيْ، وخِلعْتَهُ عني لأرْتِدي لِباسُ النَوْمـْ..
أُفْضي لِدَفْتَريْ الصَغْيرُ ثَرْثَرة صَمْتي.. مُحَاوِلةً أنْ أَتَكَلَمُني..
ولَكِنَني بَدلاً مِنْ ذَلِكـْ..
أَتَكَلمـ الناس.. أُعَبِر عَنْهُمـْ..
فَيَجِدونَ في حُرُوفْيّ نَزِيفهُمـْ ووَقْفِهْ..
ويَأسَهُمـ وَجَلاءِهْ..
وحُزْنَهُمـْ وَفَرْحِهْ..
فَأسْتَيْقِظُ مَرَةً أُخْرَى لِأُخْبِرَهُمـْ بمَكْنوناتِهِمـْ..
وأَظَلـُ أنـا أَرْتَديْ مِعْطَفْي !!