×× بس يبني ××

- بس يبني... اهدى يبني

حرام عليك.. ليه بتتعبني؟

- نفسي يمه الغربة تسبني

يعني ابقى في بلدي وحاسس بيها؟

نفسي كل الناس تسمعني

يمكن نقدر نغير فيها....

- ازاي يبني ده احنا غلابة

دي ماسكينها يبني ديابة!

- يمه احنا ناس محتاجة

يبقى احنا اللي معانا الحق..

مش بنقدر نعمل حاجة

لكن نقدر نقول لأ!!

- (لأ) دي تفتح علينا جحيم

اسكت يبني ولينا رب كريم

- ربنا يمه ميرضاش بالظلم

ربنا هو اللي حاسس بينا

والوطن يمه يعني الأم

مش كبت وقهر وذل فينا..

- امك دي يبني خلاص معادتش شايفة ابنها

هدوها وغموا عنيها ومصوا دمها...........

- منا يمه مش هسيبهم

وهجيب حقي وحق اخواتي..

هنجد امي من الاعيبهم

عشان انقذ حياتها وحياتي...

- اعقل يبني وبص لحالك..تنقذها بايه؟!

بجاهك، بصيتك، ولا بمالك؟!!

- لا يمه هنقذها بصبري وبايماني..

هكتب فيها غنوة وشعر..

وبعلمي هدفع مهرها غالي..

هرسم في عنيها بسمة فخر...

هزرعها خضرة وشجر وورود..

واشم النسيم واشوف الندى..

بفرحة ونور ملهوش حدود...

ونشيد صباح عالي الصدى..

بينده على طول المدى..

(بروحي يا امي انا افديكي..واعدي عشانك بحور وبلاد.

.ودمي وعمري مايغلوا عليكي.. ويشهد عليا رب العباد.

.ودمي وعمري مايغلوا عليكي.. ويشهد عليا رب العباد)..