جبل واقف وكأنه نور وسط الضلمة
سفحه جناين وقصور... وأجمل حياة على القمة
سكن الجبل أقدم شعوب وأعرق أمة
أشجع شباب... وناس شريفة ومسالمة
عاشوا في قلبه أسعد ناس وأجدع لمة
ناس بينها ود.. حب بعمل مش بالكلمة
على وشهم أغرب بسمة، رضى بالنصيب والقسمة
تلمح في عنيهم نظرة صبر ولو عايشين على لقمة
ناس بينها ود.. حب بعمل مش بالكلمة
على وشهم أغرب بسمة، رضى بالنصيب والقسمة
تلمح في عنيهم نظرة صبر ولو عايشين على لقمة
ومن حواليه وقفوا شباب عزم وهمة
جنود أسود... عاشوا للوطن دنيا وذمة
رفعوا رياته وقت الرخا ووقت الأزمة
يحموا حماه طامعين في نصر أو جنة
فضل الجبل واقف كله شموخ وصمود
تجري سنين وسنين يزيد صلابة وجمود
يحكي تاريخ طويل عاشوه أحفاد وجدود
أصالة.. عراقة وفخر.. عظمة ملهاش حدود
أرض زراعة وصناعة .. أرض عمار وسدود
وفي عز أهله ما غرقانين في بحر الأمل
وفي عز مجده وقوته.. وقع الجبل
اتهد.. راحت شمخته ايه العمل؟؟
ومين يعيده بعد ما الحال اتبدل؟؟
ومين هيبنيه من جديد من غير كسل؟؟
مين اللي ينقذ أمته ويغيته بعد اللي حصل؟؟
وناسه فين؟؟ جنوده فين؟؟ فين البطل؟؟
فين اللي ياما اتحركوا في وقت م الدنيا في شلل؟
راحوا خلاص واتشردوا وتاريخه هو اللي فضل!
يحكي حكايته وقصته.. قصة وطن.. قصة جبل...
